Тұрақтылық
Біз әдетте белгілі бір нәрсеге яғни тұрып жатқан мекен жайымызға, істеп жатқан жұмысымызға,біреуге деген сезіміміз тұрақты болып жатады. Керсінше тұрақсыз адамдар да болады.
Өзім тұрақтылықты жақсы көремін. Көшіп қонғанды ұнатпаймын. Өз туған жерімнен Қазақстанға көшіп келдік. Бейнеу ауданында бір жылдай тұрып, осы тұрып жатқан құтты мекен Ақтөбеме келдік. Ақтөбеде тұрып жатқанымызға міне 9 жылдан асып барады. Тұрып жатқан қаламнан басқа қалаға көшу ойымызда мүлдем болмапты. Ал жұмысқа келер болсақ студент кезімде 2016 жылы кафеге жұмысқа кірген болатынмын. Оқуымды бітіргенше сонда 2 жыл жұмыс жасадым. Мамандық бойынша жұмысқа орналасып, міне 3 жылда болып қалыпты. Әрине жұмыс орнымыз, тұрып жатқан жеріміз жақсы болса, неліктен өзгертеміз. Бірақ қанша жерден қиындық болса да, соны жеңіп тұрақтылықпен келе жатырмын. Бұдан әрі де тұрақты болып жүргенді абзал көремін.
Ал енді сезімге келер болсақ..) Мен өзім ойлайтынмын "ең бірінші сөйлескен, кездескен, жүрген адамға тұрмысқа шығамын" деп . Сол оймен осы жасыма дейін ешкіммен сөйлеспей келдім. Сосын күндердің күні "мүмкін көрейін, неге бір мүмкіндікті пайдаланып көрмеске? Мүмкін болашақ жарым болар" деген ой келді. Яғни уақыты келгендей болды. Сол мүмкіндікті пайдаланып алғаш.. Иә алғаш рет😅 Бір адаммен сөйлесе бастадым. Әншейінде сөйлеспейтін, тұйық Әсеміміз ашыла бастады. Жүзінен күлкі үйіріле беретін болды. Тіпті мыжың, қияли болды сөйлесе бастағалы. Содан не керек Әсем алғаш кездесуге шықты 😂. Әсем бүкіл батылдықты жинап тормоз болмайын деп шыққандағы түрі ғойй)) Сөйтіп не керек сөйлесіп те, кездесіп те көрді. Әсем қиял дедім ғо, тіптен сол бірінші сөйлескен, кездескен адамына тұрмысқа шығамын деп қиялдап кеткен ғой. Өкініштісі сол ол тек қиял болып қалғаны. Енді тағы кімге мүмкіндік беру бағы бұйырар екен. Онымен де тек қиял болып қалса ше? Сонда менің сезімім тұрақты емес болады ма? Қызық... Негізі сезім жағынан өте тұрақтылардың бірімін. Жүрек шіркін, екінші мүмкіндік берсе, болар еді😊
Сізше тұрақтысыз ба?
Асем Жақсылыққызы
(түнгі ойлар)